LECTURA DE IMAXES / ESQUEMA PREVIO
Material elaborado a partir do traballo do EDNL e o departamento de Historia do IES da Pobra do Caramiñal para a actividade: Unha imaxe, unha historia. https://imaxehistoria.wordpress.com/istoe/
Este guión para a realización dun esquema previo pretende recoller o máximo de aspectos posibles que debemos ter en conta á hora de analizar as imaxes, e a partir dos cales poderemos artellar o estudo, comentario, texto, relato, … posterior.
1.- Primeira descrición da imaxe:
Nun par de liñas faremos unha primeira aproximación xeral ao que podemos observar na imaxe.
2.- Localización temporal:
-
Ano ou época aproximada.
-
Época do ano ( se é pertinente ).
-
Etapa histórica: II República / Guerra Civil / Posguerra / anos 60 / transición…
3.-Localización espacial:
-
Nome da poboación: Porto do Son, parroquia, aldea,…
-
Nome do Lugar: rúa, Praia de …., río …., fraga de …., montes de …., etc.
4.-Aspectos naturais:
Cambios na paisaxe natural: Que había antes que agora non hai, ou que sinxelamente cambiou? Montes, praias, ríos…
5.- Aspectos urbanísticos:
Se son relevantes (cambios na edificación- edificios que seguen intactos e outros que xa cambiaron ou desapareceron-, repercusión na escena, edificios singulares: hórreos, pazos, igrexas, castros…).
6.- Aspectos persoais:
A historia persoal do(s) protagonista(s) das imaxes.
7.- Aspectos etnográficos:
Vestido vivenda traballo alimentación costumes, tradicións…
8.- Aspectos históricos. Ten que ver algo a imaxe con algunha época en concreto….?:
Guerra civil Posguerra Anos sesenta Transición
9.- Aspectos lingüísticos:
“Palabras clave”: anota as palabras que consideres máis significativas para a historia:
- Toponimia: Nomes de lugares
- Utensilios, ferramentas,….
- Nomes de vexetais, árbores,….
- Tradicións, traballos, ….
10.- Entrevista:
A partir destes aspectos que analizamos das imaxes, podemos levar a cabo unha entrevista gravada cos personaxes que aparezan nelas ou saiban algo sobre elas.
11.- A historia que vou contar:
Aspectos da imaxe que me levan a contar a historia. De entre todos os aspectos analizados previamente, escollo os máis interesantes: a historia persoal dos protagonistas, a época que se reflicte, o que están a facer, un edificio emblemático, certas palabras relacionadas coa foto…
1º esbozo de idea ( ou ideas ) sobre as que artellar a historia. Decido se a historia vai ser real, inventada.
sonmemoria 